/p. 216/ a forma superiore, ut a Sapientum Dictatore[7]
in sapientiae tabulis scriptum est. Alex. – Subtilissime.
Sed aliam modo attingamus quaestionem.
I. C. – Aristotelis sententiam a tuis obiectionibus
vindicasse mihi sat est.
DIALOGUS XXXIII.
De piscium nutrimento.
Alex –
Quibus aluntur pisces? I. C. – Hoc
ipsum mehercle est, quod a te
petere iamdudum decreveram.
Alex. – Ego aqua sola nutriri pisces
dixerim. Sane apuarum genus
hanc comprobat veritatem, quam ob causam
aquarellas nonnulli vocant. Ad hoc, si solo
aëre victitat chamaeleon, avis manucodiata
et canis levis, quid vetat asserere pisces sola
aqua vesci? I. C. – Uno ali nos Aristoteles[8] negat.
Alit aqua, non ut simplex elementum, sed
mixta, quare pluribus ali dicetur, qui aqua
vescitur. Omitti igitur a te poterat illa particula
sola. An apuae sola – ut tu loqueris –
aqua victitent, non disputo, cum nec ego
contradicere, nec tu probare possis. Nemo
sane nostrum id vidit, sed ab illis ad reliquos
pisces argumentum deducere haud debebas.
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |